Ստամբուլի Սուրբ Սոֆյայի տաճարը մզկիթ դարձնելու Հունաստանի զայրույթի հետ կապված Թուրքիայի արտգործնախարարությունը հայտարարություն է տարածել, որում ասվում է՝ «Հունաստանից չէ, որ Թուրքիան պետք է կրոնական հանդուրժողականություն սովորի»: Հայտնում է «Հյուրիեթ» թերթը:
«Աթենքը միակ եվրոպական մայրաքաղաքն է, որտեղ աղոթելու համար չկան մզկիթներ, չնայած նրա մահմեդական բնակչությանը, որը հասել է մոտ 100 հազար», – ասված է հայտարարության մեջ:
Հունաստանի արտգործնախարարությունը իր բարկությունն էր հայտնել, երբ Թուրքիայի բարձրաստիճան պաշտոնյաները Սոֆյայի տաճարը մզկիթ դարձնելու նախաձեռնությամբ էին հանդես եկել:
Նոյեմբերի 18-ին տարածած հայտարարության մեջ ասվում էր, որ բյուզանդական քրիստոնեական եկեղեցին Թուրքիայի պաշտոնյաների խոսակցությունները վիրավորում է միլիոնավոր քրիստոնյաների կրոնական զգացումները, և ժամանակավրեպ ու անըմբռնելի այդ գործողություններն անում է մի երկիր, որը ուզում է դառնալ Եվրոմիության անդամ:
Կարդացեք նաև
Հունաստանի հայտարարությունն արվել էր, երբ Թուրքիայի փոխարտգործնախարար Բուլենթ Արընջը հույս էր հայտնել մզկիթի վերածել քրիստոնեական պատմական տաճարը, որն այժմ գործում է որպես թանգարան:
Պատրաստեց Հովհաննես ԻՇԽԱՆՅԱՆԸ
