Աշնանը ՀՀ կառավարությանն առընթեր պետական գույքի կառավարման վարչության պետ, ՀՀԿ անդամ Արման Սահակյանը եւս գիտական ատենախոսություն պաշտպանեց, եւ ինչպես Երեւանի քաղաքապետ Տարոն Մարգարյանը՝ դարձյալ տնտեսագիտության ոլորտում:
Սակայն ի տարբերություն քաղաքապետի ատենախոսության «կիսաբաց» պաշտպանության, Սահակյանի ատենախոսության պաշտպանությունը, կարելի է ասել, ծածուկ է եղել: Ամենահետաքրքրականը, սակայն, այս պատմության մեջ հետեւյալ դրվագն է՝ Արման Սահակյանի գիտական ղեկավարն էլ նրա տեղակալն է՝ Աշոտ Մարկոսյանը:
Aravot.am-ը լուրը ճշտեց նաեւ ԲՈՀ-ի ղեկավար Լիլիթ Արզումանյանից: Նա հաստատեց, որ պետական գույքի կառավարման վարչության պետի գիտական ղեկավարը իր անմիջական տեղակալն է:
Գոհար ՀԱԿՈԲՅԱՆ
Կարդացեք Արամ Աբրահամյանի Ցինիզմի նպատակը հոդվածը
https://www.aravot.am/2013/12/27/418801/