Հոլանդիայում ընթացող շախմատի «Tata Steel Chess» 76-րդ փառատոնի ուժեղագույնների խմբում Հայաստանի լավագույն շախմատիստ Լեւոն Արոնյանը չորրորդ տուրում սպիտակներով 44-րդ քայլում հաղթել է ամերիկացի Հիկարու Նակամուրային եւ երեք միավորով միանձնյա գլխավորում է 12 մասնակիցների մրցաշարային աղյուսակը:Մրցաշարի վարկանիշային առաջատարը կես միավոր ավելի ունի հաջորդ չորս տեղերը բաժանող Պենտալա Հարիկրիշնայից, Սերգեյ Կարյակինից, Ուեսլի Սոից եւ Անիշ Գիրիից:
Այսօր «Masters» խմբի մասնակիցները հանգստանում են: Վաղը՝ հինգերորդ տուրում, Արոնյանի մրցակիցը լինելու է գերմանացի Արկադի Նայդիչը:
Աշոտ ՀԱԿՈԲՅԱՆ
Լուսանկարը՝ youtub.com-ի
