Այսօր ժամը 16.00-ին «Մոսկվա» կինոթատրոնում տեղի ունեցավ Բրիտանական ֆիլմերի 12-րդ փառատոնի բացման հանդիսավոր արարողությունը: Փառատոնը նվիրված է ներառական և հաղորդակցական խնդիրներին: Բացմանը ներկա էին Երեւանում Մեծ Բրիտանիայի փոխդեսպան Ըմայաս Մորզը, ՀՀ Մշակույթի նախարարի տեղակալ Ներսես Տեր-Վարդանյանը, Բրիտանական խորհրդի հայաստանյան մասնաճյուղի տնօրեն Արևիկ Սարիբեկյանը, «ԱրմենՏել» ընկերության գլխավոր տնօրեն Անդրեյ Պյատախինը, ՅՈՒՆԻՍԵՖ հայաստանյան գրասենյակի ներկայացուցիչ Հենրիետ Արենսը եւ այլք:
Նրանցից յուրաքանչյուրն իր ողջույնի խոսքն ասաց ներկաներին:
«Մեզ համար ոգևորիչ էր տեսնել փառատոնի հանդեպ նման հետաքրքրվածություն: Մենք փորձել ենք այս տարի ևս ներկայացնել Բրիտանական կինոարտադրության լավագույն նմուշները: Բրիտանական ֆիլմերի փառատոնի առանձնահատկությունը կայանում է նրանում, որ այն ներկայացնում է միմիայն բրիտանական ֆիլմեր և փառատոնային օրերին դառնում մի հարթակ, ուր մարդիկ ոչ միայն վայելում են լավ կինո, այլև մտածում մեր հասարակությունում առկա խնդիրների մասին»,-ասաց Բրիտանական խորհրդի հայաստանյան մասնաճյուղի տնօրեն Արևիկ Սարիբեկյանը:
Նշենք, որ փետրվարի 22-ից մինչև մարտի 5-ը «Նաիրի» և «Մոսկվա» կինոթատրոններում ցուցադրվելու են անգլերեն և հայերեն ենթագրերով ֆիլմեր: Փառատոնի վերջում ցուցադրվեց առաջին ֆիլմը՝ «Ամառը փետրվարին»:
Քրիստինե ԳՐԻԳՈՐՅԱՆ
