Ուկրաինան հետ է կանչել Բելառուսում իր դեսպան Միխայիլ Եժելյային խորհրդակցության համար՝ Ղրիմի հարցով Մինսկի դիրքորոշման կապակցությամբ: Հայտնում է ուկրաինական «Ինտերֆաքս»-ը:
Կանչի պատճառը Բելառուսի նախագահ Ալեքսանդր Լուկաշենկոյի հայտարարությունն էր, հայտնել է Ուկրաինայի ԱԳՆ տեղեկատվական քաղաքականության վարչության տնօրեն Եվգենի Պերեբիյնիսը՝ հայտնելով նաև, որ իրենք համապատասխան նոտա են ուղարկել բելառուսական կողմին, «որտեղ ասված է, որ Բելառուսի նախագահի նման արտահայտությունները հակասում են համընդհանուր ճանաչված միջազգային իրավունքներին, աշխարհի երկրների մեծ մասի դիրքորոշմանը, որոնք դատապարտել են Ռուսաստանի կողմից Ղրիմի անեքսիան»:
Մարտի 23-ին Լուկաշենկոն ասել էր, որ Ղրիմն արդեն դե ֆակտո Ռուսաստանի մասն է կազմում:
Պատրաստեց Հովհաննես ԻՇԽԱՆՅԱՆԸ
