ԱՄՆ-ի կոնգրեսականներ Ադամ Շիֆը, Բրեդ Շերմանը և նրանց գործընկերներն ԱՄՆ-ի Կապիտոլիումի աստիճաններին կանցկացնեն մամուլի ասուլիսի՝ նվիրված Սիրիայի Քեսաբ քաղաքում հայերի և քրիստոնյա այլ բնակչության ուղղությամբ վերջերս իրականացված հարձակումներին:
ԱՄՆ-ի Կապիտոլիումում ապրիլի 8-ին կայանալիք մամուլի ասուլիսի ընթացքում, ըստ Ամերիկայի Հայ դատի հանձնախմբի հաղորդագրության, ԱՄՆ-ի Ներկայացուցիչների պալատի և Սենատի հետախուզության գծով հանձնաժողովներին կոչ է արվելու մեկնարկել պաշտոնական հետաքննություն «ալ-Քաիդա»-ի մասնակցությամբ իրականացված հարձակումների մեջ Թուրքիայի ունեցած դերակատարության շուրջ:
Հաղորդագրության մեջ նշված է, որ վերջին երկու շաբաթվա ընթացքում հազարավոր ամերիկահայեր և Միացյալ Նահանգների մարդու իրավունքների պաշտպանության ջատագովներ, այդ թվում՝ Սերժ Թանկյանը, Քիմ Քարդաշյանն ու Շերը, դիմել են ԱՄՆ-ի նախագահ Բարաք Օբամային, սենատորներին և կոնգրեսականներին՝ հորդորելով վերջիններիս անհապաղ դատապարտել Քեսաբում խաղաղ բնակչության դեմ ուղղված հարձակումները:
ԱՄՆ-ի արտգործնախարարությունն ավելի վաղ դատապարտել էր Քեսաբում իրականացված հարձակումները՝ նշելով, որ «չափազանց անհանգստացած է Սիրիայի Քեսաբ բնակավայրի հայկական համայնքին վտանգի տակ դրած՝ վերջերս տեղի ունեցած բախումներով և բռնություններով, որոնք ստիպել են շատերին փախուստի դիմել»:
Կարդացեք նաև
Արմեն Հովհաննիսյան
Նյութի մանրամասները կարդացեք «Ամերիկայի Ձայն»-ի կայքում
