Կառավարության վաղվա նիստի օրակարգում ընդգրկված է նաեւ մի որոշման նախագիծ, որի համաձայն՝ «Գյումրու տեխնոպարկ» ՓԲԸ-ն առաջիկայում կլուծարվի, որովհետեւ ընկերությունը հիմնադրումից առ այսօր որեւէ գործունեություն չի ծավալել։
«ՉԻ» – Չհասկացանք, էլի առանց նավահանգիստ ենք մնալո՞ւ։ Իսկ որտե՞ղ պիտի կառուցվեն հայկական տիեզերանավերը, որտե՞ղ պիտի ինքնաթիռներ արտադրվեն։ Եվ ընդհանրապես՝ ի՞նչ է նշանակում «որեւէ գործունեություն չի ծավալել»։ Տեխնոպարկը ստեղծվել էր երկու նպատակով՝ որպեսզի Տիգրան Սարգսյանր դրա վրա մեծ փողեր դուրս գրի, ժամանակ առ ժամանակ էլ խոսի դրա փայլուն հեռանկարների մասին։ Երկու դեպքում էլ տեխնոպարկը փայլուն ձեւով է կատարել իր առջեւ դրված խնդիրը, ուրեմն ինչի՞ մասին է խոսքը։
Եվ ընդհանրապես՝ լուծարելը ճիշտ չէ։ Հաշվի առնելով «նոր» կառավարության որդեգրած ռազմավարությունը՝ լուծարելու փոխարեն տեխնոպարկը պետք է վերածել քյաբաբնոցի:
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
