Հանրային խորհրդի լիագումար նիստում այսօր Ցեղասպանության ինստիտուտ-թանգարանի տնօրեն Հայկ Դեմոյանն առաջարկեց քննարկել նաեւ Անաստաս Միկոյանի արձանի տեղադրման հարցը, քանի որ այն դարձել է հանրային լայն քննարկման առարկա:
Ներկաներից մեկն առարկեց` նկատելով որ հակառակ կողմը`քաղաքապետարանը նիստում ներկայացուցիչ չունի: Հանրային խորհրդի նախագահ Վազգեն Մանուկյանն առաջարկեց, որ այդ պարտավորությունը ստանձնի Երեւանի ավագանու անդամ Աստղիկ Գեւորգյանը: Վերջինս հրաժարվեց. «Պատմական փաստերի տեսանկյունից ինֆորմացիա տալ չեմ կարող: Ես գիտեմ, որ հայտնի քաղաքական կերպար է, բայց դրական, թե բացասական`չեմ կարող ասել: Ես, օրինակ, չեմ կարող ասել, որ միանշանակ այս կողմը ճիշտ է»,- պատճառաբանեց Աստղիկ Գեւորգյանը:
Վազգեն Մանուկյանն, որը «կողմ» էր հարցի քննարկմանը, առաջարկեց ընդամենը քննարկել, առավել ևս, որ քվեարկության դրվելիք նախագիծ էլ չկա. Հետո, արդեն խորհրդի փոքր նիստում, որոշում կայացնել:
Բայց 10 «կողմ», 10 «դեմ», մեկ ձեռնպահ ձայների հարաբերակցությամբ հարցն օրակարգ չմտավ:
Նելլի ԳՐԻԳՈՐՅԱՆ
Կարդացեք նաև
