Երեկվա նիստում կառավարությունը եւս մի որոշում է ընդունել՝ աշխատավարձի 12 տոկոս հավելավճար սահմանել այն պաշտոնյաների համար, ովքեր աշխատում են ծանր պայմաններում եւ վտանգում են իրենց առողջությունը։ Ընդ որում՝ ուժային եւ իրավապահ կառույցների վրա այս որոշումը չի տարածվում։
«ՉԻ»- Իհարկե, իրավապահները ոչ թե իրենց առողջությունն են վտանգում, այլ ուրիշների, հետեւաբար՝ նրանց մասով որոշումը միանգամայն արդարացի է։
Ինչ վերաբերում է մյուսներին, ապա անվճար մածուն բաժանելը երեւի ավելի ճիշտ կլիներ։ Բնականաբար՝ ոչ թե պաշտոնյաներին, այլ նրանց հետ շփվողներին։ Իսկ ընդհանրապես՝ նրանք բոլորն էլ վտանգում են իրենց առողջությունը։ Հատկապես ամառային ամիսներին, երբ ստիպված են լինում իջեցնել մեքենաների ապակիները, եւ մարդիկ տեսնում ու ճանաչում են նրանց։ Այդ դեպքում, համաձայնվեք, մածունը չի փրկի։
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
