1992-94 թթ. Գորիսի քաղաքապետ, տարածաշրջանի ինքնապաշտպանական կոմիտեի համանախագահ Սամվել Հարությունյանը բազմիցս ահազանգել է տարբեր ժամանակներում Սուրիկ Խաչատրյանի (Լիսկա) ապօրինի արարքների ու նրա զոհերի մասին։ Սուրիկ Խաչատրյանն ու նրա մերձավորներն այսօր էլ շարունակում են ահաբեկել իրենց համաքաղաքացիներին և մնալ անպատիժ։
…Ինչո՞ւ, չնայած ահաբեկումներին, բռնություններին, գորիսցիները նախընտրում են լռել եւ չբողոքել: Անգամ Սուրիկ Խաչատրյանի ու նրա մերձավորների ակնհայտ դաժանություններն են կոծկվում:
«Ցավոք, Գորիսում արյուն ծախելը դարձել է բիզնես։ Քանիցս մամուլում եղել են հրապարակումներ Լիսկայի ու նրա մերձավորների կատարած ահաբեկումների, ծեծի ու բռնությունների մասին։ Ես դատապարտում եմ, որ մարդիկ ակտիվ չեն պայքարում իրենց իրավունքների համար, չեն պայքարում Լիսկայի մենաշնորհների դեմ։ Այդ վախկոտությունն ինձ համար արգահատելի է։ Մարդկանց ծեծում են, ջարդում, ստորացնում, իսկ դրանից հետո մենք տեսնում ենք, որ նրանք հայտարարում են, թե իրենց հետ ոչինչ չի եղել։ Մենք տեսնում ենք, թե Լիսկայի կողմից ծեծված դպրոցականի սոցիալական ծանր վիճակում գտնվող ընտանիքը ինչպես է լռում և կարճ ժամանակ անց որոշակի կարողության տեր դառնում»,- ասում է մեր զրուցակիցը։
Ինչ վերաբերում է Բուդադյանների ընտանիքին, ապա, ըստ մեր զրուցակցի, նրանք իրենց իրավունքների համար պայքարում են առավելագույն չափով։ Սամվել Հարությունյանը կարծում է, որ Գորիսում տեղի ունեցած բազմաթիվ դեպքերը, Սուրիկ Խաչատրյանի ու նրա մերձավորների ապօրինի արարքները բավարար էին, որպեսզի գորիսցիները կազմակերպեին բողոքի զանգվածային ակցիաներ ու ցույցեր։
Կարդացեք նաև
Թագուհի ՀԱԿՈԲՅԱՆ
Հոդվածն ամբողջությամբ կարող եք կարդալ «Իրատես de facto» թերթի այսօրվա համարում
