««Հայաստանի նոր քաղաքական մշակույթ» կուսակցությունը բերեց այն մշակույթը, որ քաղաքականությունը ոչ թե պետությունից, հասարակական երեւույթներից կտրված երեւույթ է, այլ քաղաքականությունը պետականաշինության լծակ է»,- այսօր` հուլիսի 25-ին, «Հայացք» մամլո ակումբում, լրագրողների հետ հանդիպման ընթացքում հայտարարեց «Հայաստանի նոր քաղաքական մշակույթ» (ՀՆՔՄ) կուսակցության նախագահ Անի Զախարյանը:
Նա նշեց, որ լուրջ հանդիպումներ է ունեցել Արտաքին գործերի, Կրթության եւ գիտության, Մշակույթի նախարարություններում, ոստիկանությունում, իսկ հիմա շեշտը դրել է դատախազության վրա, որովհետեւ համարում է, որ բացառապես հետաքննչական աշխատանքներ չեն կատարվում.
«Այսօր «Հայաստանի նոր քաղաքական մշակույթ» կուսակցությունը իր վրա է վերցրել նաեւ վերահսկողական դերը: Եթե երկրի ղեկավար գոյություն ունենար, երկրի ղեկավարն ամեն օր համապարփակ ձեւով իր հայացքը պետք է հստակ պահի այդ օղակների վրա, հանդիպումներ տեղի ունենան, հաշվետվություններ պահանջի: Այսինքն` այսօր Անի Զախարյանը` «Նոր քաղաքական մշակույթ» կուսակցության շրջանակներում իրականացնում է այն, ինչ պետք է անի Սերժ Սարգսյանը»:
Անդրադառնալով ընդդիմությանը` Անի Զախարյանը նշեց, որ լուրջ անցյալ է ունեցել եւ կարող է համարել, որ ՀՆՔՄ-ն է այն կուսակցությունը, որն այսօր իրական ընդդիմություն է եւ ՀՆՔՄ-ի շուրջ է, որ պիտի միտվեն բոլոր մտավոր օղակները` մշակութային գործիչները, հասարակական կազմակերպությունները, քաղաքացիական հասարակություն:
Նա կարծում է, որ կուսակցությունը, իր գործունեության մեկ տարվա ընթացքում ապացուցել է, որ լուրջ պետականամետ գործունեություն է ծավալել.
«Այսօրվա ոչ լեգիտիմ իշխանությունը, ամենայն պատասխանատվությամբ հայտարարում եմ, միմիայն պետք է ուրախ լինի, որ Հայաստանի քաղաքական իրականություն մուտք է գործել «Հայաստանի նոր քաղաքական մշակույթ» կուսակցությունը, որը որ առանց լուրջ լծակներ ունենալու, առանց լուրջ ֆինանսական միջամտություն ունենալու կատարում է այն գործը, որն իրենք պետք է կատարեն»:
Կարդացեք նաև
Ամի ՉԻՉԱԿՅԱՆ
