«Ցեղակրոն» կուսակցության նախագահ Շանթ Հարությունյանի եւ ընկերների գործով դատական նիստում այսօր սկսվել է ամբաստանյալների հարցաքննությունը:
Առաջինը հարցաքննվեց Շահեն Հարությունյանը:
Նա պատմեց, որ նոյեմբերի հինգին իմացել է, որ երթ է լինելու, տեղյակ չի եղել երթի ուղղությանը, գնացել է Ազատության հրապարակ, երթը սկսվել է. «Խառնաշփոթ էր,պայթյուններ են եղել: Տեսել եմ՝ ոստիկանները հորս խփել են, ես էլ եմ խփել, հետո ինձ բերման են ենթարկել: Բաժանմունքում մի պահ տեսել եմ հորս, բայց ինձ բարձրացրել են այլ սենյակ»:
Նրա խոսքով, ոստիկանությունում իրեն ասել են, հայրը ու նրա եւս մի քանի ընկեր մահացել են, իսկ մնացածն էլ փտելու են բանտերում:
Կարդացեք նաև
Փաստաբան Ինեսա Պետրոսյանը հարցրեց՝ որտեղ է գտնվել երթը սկսվելուց առաջ, ասաց հոր կողքին, հետո պնդեց, որ խաղաղ երթ էր: Ըստ նրա, եղել է նաեւ հայտարարություն ոստիկաններին ուղղված, որ սադրիչներին հեռու պահեն: Նրա պատմելով, մի քանի ոստիկան գցել են իրեն ու ոտքերով խփել:
Հարցին, թե ինչ եղավ, որ ոստիկանին խփեցիք, ասաց. «Խփելուց հետո ոստիկանը վազելով հետեւիցս ընկավ, մի քանի հոգի գցեցին մեքենայի անիվների տակ ու ոտքերով հարվածում էին»:
Շանթ Հարությունյանն էլ հարցրեց, կհիշի՞ Ազատության հրապարակում իրենց առանձնազրույցը: Շանթը պատմեց, որ պայմանավորվել էին լինել արժանապատիվ, պայքարել մինչեւ վերջ, հասնել հաղթանակի:
Այս պահին Շանթ Հարությունյանը պատմում է, թե ամբաստանյալներից յուրաքանչյուրի հետ երբ ու ինչպես է ծանոթացել:
Արփինե ՍԻՄՈՆՅԱՆ
