«Ցեղակրոն» կուսակցության նախագահ Շանթ Հարությունյանի եւ ընկերների հարազատներն այսօր դատախազ Գեւորգյանի ներկայացրած պատժաչափերը լսելուց հետո շատ զայրացան:
«Որ պետք է դատվեին` սպասում էինք, բայց որ այսքան կտար դատախազը, չէինք սպասում: Որովհետեւ փողոցում ոչ մարդ են սպանել, ոչ էլ մեքենայով ճխլել են: Մարդասպանները ազատության մեջ են, չէ՞ր կարելի ներել, խուժաններին կարելի է ներել, իսկ իրենց չէ՞»,- դժգոհեց Հայկ Հարությունյանի մայրը: Նրա բնորոշմամբ` անամոթություն էր հայրենիքի համար կռված տղաներին այդքան դաժան պատժամիջոցներ սահմանելը. «Ոնց ուզեցին, այնպես էլ արեցին, չկան մեղմացուցիչ հանգամանքներ, այսպիսի պատիժ տալ հայրենիքի համար կռված տղաներին` անամոթություն է»:
Նա վրդովվել էր այն բանից, որ թե’ ազատամարտիկ Վոլոդյա Ավետիսյանի, թե’ Շանթ Հարությունյանի ու ընկերների համար վճռված ազատազրկման տարիները թույլ չեն տա հետագայում նրանց համաներմամբ ազատ արձակվել:
Հիշեցնենք, որ այսօր Կենտրոն եւ Նորք Մարաշ վարչական շրջանների ընդհանուր իրավասության դատարանում դատախազ Գեւորգյանը ներկայացրեց Շանթ Հարությունյանի եւ նրա ընկերների ազատազրկման չափերը:
Կարդացեք նաև
Արփինե ՍԻՄՈՆՅԱՆ
