ՀՀ քրեական օրենսգրքի 38-38-178-րդ հոդվածի 2-րդ մասի 2-րդ կետով `խոշոր չափի խարդախությանը օժանդակելու մեջ մեղադրվող Սերգեյ Սուրենի Ավագյանի և Վահագն Արթուրի Կարապետյանի նկատմամբ Երևանի Էրեբունի և Նուբարաշեն վարչական շրջանների ընդհանուր իրավասության դատարանի դատավոր Վարդան Գրիգորյանը քիչ առաջ կայացրել է արդարացման դատավճիռ:
Սերգեյ Ավագյանի պաշտպանությունն իրականացնում էր ՀՀ փաստաբանների պալատի անդամ Լիպարիտ Սիմոնյանը: Իսկ Վահագն Կարապետյանը պաշտպան չի ունեցել:
Նախաքննության մարմինը Արթուր Կարապետյանին, Վահագն Կարապետյանին և Սերգեյ Ավագյանին մեղադրանք էր առաջադրվել այն բանի համար, որ Արթուր Կարապետյանը Վահագն Կարապետյանի և Սերգեյ Ավագյանի օժանդակությամբ, խաբեության եղանակով փորձել է «Ինգո Արմենիա» ԱՓԲ ընկերությունից հափշտակել խոշոր չափի` 1.800.000 ՀՀ դրամ գումար:
Նրանց նկատմամբ խափանման միջոց էր ընտրվել, ստորագրություն չհեռանալու մասին:
Կարդացեք նաև
Ռուզան ՄԻՆԱՍՅԱՆ
