Հետխորհրդային տարածքում դատարանների հանդեպ ամենամեծ վստահությունը տածում են ղարաբաղցիները: Ամերիկյան Gallup սոցիոլոգիական ծառայության կողմից այսօր հրապարակված հետազոտության արդյունքների համաձայն՝ Լեռնային Ղարաբաղի բնակչության 72 տոկոսը միանշանակորեն վստահում է հանրապետության դատաիրավական համակարգին:
Վստահության այս ցուցանիշը անհամեմատ ավելի բարձր է, քան Հայաստանում: Gallup-ի տվյալներով՝ դատաիրավական համակարգի նկատմամբ վստահության մակարդակը Հայաստանում ընդամենը 30 տոկոս է: Հայաստանի Հանրապետության հարցված քաղաքացիների գրեթե կեսը` 49 տոկոսը, սոցիոլոգների հետ զրույցների ընթացքում նշել է, որ հայաստանյան դատարաններին չի վստահում:
Դատարանների հանդեպ վստահության մակարդակը ցածր է նաև Ադրբեջանում: Այստեղ դատական համակարգին վստահում է բնակչության 41 տոկոսը, չի վստահում 36 տոկոսը:
Գեւորգ Ստամբոլցյան
Կարդացեք նաև
Նյութի մանրամասները կարդացեք «Ազատություն» ռադիոկայանի կայքում
