Ըստ խոսքի ազատության պաշտպանության կոմիտեի նախագահ Աշոտ Մելիքյանի` այս տարեսկզբից լրագրողների նկատմամբ բռնությունները սկսել են տարեսկզբից:
Նրա խոսքով բռնությունների շարքը բացեց ոստիկանության կենտրոնի բաժնի պետը, երբ հենց ոստիկանության բաժնում ապտակեց լրագրող Անի Գեւորգյանին:
«Լրագրողներն ավելի շատ գերադասում են ուղղակի չբարձրաձայնել կամ խմբագրության միջոցով են կարգավորում: Այս տարվա իննը ամսվա կտրվածքով արձանագրել ենք յոթ ֆիզիկական բռնության դեպք, նույնքան էլ եղել են անցած տարի: Բայց, եթե 2013-ը լարված տարի էր, երկու ընտրություն եղավ, մթնոլորտը լարված էր, իսկ սովորաբար այդ ժամանակ ավելի շատ են ճնշումներն ու բռնության դեպքերը, այս տարի հանգիստ մթնոլորտ էր, բայց մտահոգիչ է, որ ֆիզիկական բռնությունների թիվը չնվազեց: Էլ ավելի մտահոգիչ է, որ դրանցում շատ ակտիվորեն ակտիվորեն մասնակցում են իրավապահ մարմինների ներկայացուցիչները: Եւ հենց ձեռքը ձեռք լվանալով էլ՝ այդ գործերը կոծկվում են»,- այսօր «Մեդիա» կենտրոնում ասաց Աշոտ Մելիքյանը:
Արփինե ՍԻՄՈՆՅԱՆ
Կարդացեք նաև
Լուսանկարը՝ «Մեդիա» կենտրոնի
