Բաղանիս համայնքի ղեկավար Նարեկ Սահակյանից տեղեկացանք, որ հունվարի 13-ին,ժամը 17-ի սահմաններում բացվել է Հայաստան-Վրաստան միջպետական ավտոճանապարհի մաս կազմող Ոսկեպար-Բաղանիս ճանապարհը:
Այն փակվել էր հունվարի 11-ի երեկոյան, ադրբեջանական դիվերսիայի հետեւանքով Ոսկեվանի բնակիչ Սերյոժա Սարգսյանի զոհվելու, սահմանամերձ գյուղերի՝, այդ թվում՝ Բաղանիսի գնդակոծությունից հետո:
Ն. Սահակյանը հայտնեց, որ այժմ ավտոմեքենաները ցերեկը Բաղանիս-Ոսկեպար հատվածն անցնում են հիմնական, սահմանագոտու ճանապարհով, իսկ գիշերային ժամերին շրջանցիկ՝ Հարսնաքարի ճանապարհով:
Ոսկան ՍԱՐԳՍՅԱՆ
