Ռուսաստանը Հայաստանին նայում է որպես իր վասալի և վերաբերվում է իր վասալի պես, հայտարարել է Վրաստանի «Եվրոպական դեմոկրատներ» կազմակերպության նախագահ Պաատա Դավիթայան։
«Տաբուլա» հեռուստաընկերության «Թեորեմա» հաղորդաշարում Դավիթայան կարծիք է հայտնել, որ Ռուսաստանը չի ցանկանում Գյումրիի ընտանիքի սպանության մեղավոր ռուս զինվորին հանձնել Հայաստանին, քանի որ Ռուսաստանի նախագահ Վլադիմիր Պուտինը գողական մտածելակերպով է շարժվում՝ իր զինվորին պատժելու համար չտալ ուրիշներին։
Դավիթայայի խոսքով, քանի որ Հայաստանը և Ռուսաստանը դաշնակից երկրներ են, ապա Ռուսաստանը, եթե ցանկանար հարթել խնդիրը, հենց առաջին օրը զինվորին կհանձներ Հայաստանին, բայց, ցավոք, Հայաստանի իշխանությունները չեն ենթադրել, որ Ռուսաստանի նախագահը գործում է իր զինվորին ուրիշներին չտալու սկզբունքով, նրանց [ռուսական կողմին] չի հետաքրքրում օրենսդրությունը, նրանք ասում են՝ «մե՛նք պետք է դատենք»։
Հրաչ Մելքումյան
Նյութի մանրամասները կարդացեք «Ազատություն» ռադիոկայանի կայքում
