Արդարադատության նախարարությունը ուսումնասիրում է Երեւանում 2014թ հոկտեմբերի 28-ին հայտնաբերված Անդրանիկ Սողոյանի`օրենքով գող Զապի, կալանքը երկու ամսով երկարացնելու իրենց միջնորդությունը մերժելու մասին Կենտրոն եւ Նորք-Մարաշ ընդհանուր իրավասության դատարանի որոշման հիմքերը:
Նախարարի մամուլի խոսնակ Ծովինար Խաչատրյանը Aravot.am-ին ասաց, որ մերժման հիմքերը ուսումնասիրելուց հետո պարզ կլինեն բողոքարկման հնարավորությունները:
Հիշեցնենք, որ news.am-ի տեղեկություններով, Կենտրոն եւ Նորք-Մարաշ ընդհանուր իրավասության դատարանը հունվարի 24-ին մերժել է Անդրանիկ Սողոյանի կալանքը երկու ամսով երկարացնելու Արդարադատության նախարարության միջնորդությունը:
Ու եթե նախարարությունը 5 օրյա ժամկետում չբողոքարկի դատավճիռը, ապա Սողոյանն ազատ կարձակվի հունվարի 29-ին:
Կարդացեք նաև
Անդրանիկ Սողոյանի նկատմամբ հայտարարված էր միջազգային հետախուզում: Պրահայի մունիցիպալ դատարանի կողմից նրա նկատմամբ մեղադրանք է առաջադրվել Չեխիայի Հանրապետության քրեական օրենսգրքի 219 հոդվածի 1-ին եւ 2-րդ մասերի, 235 հոդվածի 1-ին մասով եւ դատապարտվել է 22 տարվա ազատազրկման: Բայց Չեխիայում Անդրանիկ Սողոյանի նկատմամբ դեռեւս օրինական ուժի մեջ մտած դատավճիռ չկա:
Արփինե ՍԻՄՈՆՅԱՆ
Առավոտ թերթը կարող է ավելի լուրջ թեմաների մասին գրել? Օրենքով գող, գողագետ, քրականագետ և այլն… Ամոթ է վերջապես