«Նախագահ Սարգսյանը կարծում եմ այդ մասին գիտի և գիտի, որ եթե մտահոգիչ բաներ լինեն, մենք դա առաջ կքաշենք ՀՀ կառավարության առաջ»,-այսօր լրագրողների հետ հանդիպմանը`պատասխանելով հարցին`ինչպե՞ս է վերաբերում ՀՀ նախագահի մտադրությանը ստուգումներ իրականացնել Գագիկ Ծառուկյանի`չմուծված միլիարդավոր դրամների և քրեական գործերի վերաբերյալ, այսպիսի կարծիք հայտնեց ՀՀ-ում ԱՄՆ նորանշանակ դեսպան Ռիչարդ Միլսը:
Այս առիթով պարոն դեսպանը նաև հայտարարեց, թե ժողովրդավարության պարագայում, եթե նախագահի կողմից առաջ է քաշվում հետաքննություն անցկացնելը, հարկերի հետ կապված հարցեր, ապա ցանկացած քննություն պիտի լինի մանրակրկիտ, թափանցիկ և երկրի օրենքներին համապատասխան»: Ընդդիմության հետ համագործակցության մասին պարոն դեսպանն ասաց, որ իրենց դեսպանություններում ամբողջ աշխարհում ընդունված է աշխատել թե՛ իշխող կուսակցությունների, թե՛ ընդդիմության և թե՛ քաղաքացիական ակտիվիստների ու հասարակական կազմակերպությունների հետ, ինչը կլինի նաև Հայաստանում: Մեր երկրում էլ կաշխատեն քաղաքական դաշտի բոլոր առաջնորդների հետ:
Այնուհետև անդրադառնալով ՀՀ նախագահի ելույթին, որտեղ պիտակավորումներ էին հնչել, պարոն դեսպանն ասաց. «ՀՀ ժողովրդավարության ուժեղ կողմերից մեկն այն է, որ կա ընդդիմություն, և նա կարող է ազատ խոսել ու շփումներ ունենալ նաև այլ ուժերի, դեսպանությունների հետ: Ես երեկ նախագահի հնչեցրած խոսքերի համար որևէ մեկնաբանություն չեմ անի: Բայց ես ինքս ԱՄՆ Լուիզիանա նահանգից եմ, որտեղ քաղաքական դաշտում ընդունված է միմյանց անուններով`վատ բառերով դիմելը»:
Տաթև ՀԱՐՈՒԹՅՈՒՆՅԱՆ
Ինձ հետաքրքիր է, կա արդյոք ընդունված օրենք ՄԱԿ-ի կողմից՝ դեսպանների իրավունքների ու պարտականությունների մասին? Որտեղից կարելի է ծանոթանալ դրանց մասին?