Եվս երկու ամսով երկարացվել է կուրսանտ Մեսրոպ Ազարյանի խափանման միջոց ընտրված կալանքի ժամկետը։ Կուրսանտի պաշտպան, ՀՀ փաստաբանների պալատի անդամ «Լեւգրուպ» իրավաբանական գրասենյակից) Թադեւոս Ալեքսանյանը Aravot.am-ին ասաց, որ բողոք է բերել Վերաքննիչ դատարան. «Չկան փաստական տվյալներ, որ իմ պաշտպանյալն առնչություն ունի սպանության հետ»: Վերաքննիչ դատարանում բողոքի օրը նշանակված չէ։
Հիշեցնենք, որ Մովսես Ազարյանը, Գնել Թեւոսյանը եւ Վաչե Սահակյանը մեղադրվում են այս տարվա հունվարի 29-ին կուրսանտ Հայկազ Բարսեղյանի սպանության գործով։
Ըստ զինվորական քննչական վարչության 4-րդ կայազորային քննչական բաժնի քննիչի որոշման՝ կուրսանտները «վաղօրոք ծագած պարզ կոնկրետացված դիտավորությամբ» տուժող Հայկազ Բարսեղյանի ոտքերը, ձեռքերը բռնել են, փակել բերանը, անօգնական վիճակի հասցնելով, Բարսեղյանի ձմեռային բաճկոններից եւ կիսաճտկավոր կոշիկներից հանել են փողերը, պատրաստել են պարան, եւ դիտավորությամբ զրկել կյանքից։
