Երբ մարդ է մահանում, հաճախ ասում են, որ նրա կյանքի թելը կտրվեց, կամ` կյանքի թելը կարճ էր, իսկ թե որտեղի՞ց է հասել այս արտահայտությունը, լեզվաբան Պետրոս Բեդիրյանը գրում է, որ ըստ հին հունական առասպելաբանության, պարկյան քույրերը` երեք աստվածուհիներ, մարդու ծննդյան օրից հյուսում են նրա կյանքի թելը: Ավելի ճիշտ, նրանցից մեկը բռնում է աղեկատը, երկրորդը` մանում, իսկ երրորդը աշխատում է այն կտրել: Որ պահին որ թելը կտրվում է, մարդը շունչը փչում է: Ահա թե ինչու Հակոբ Պարոնյանի «Շողոքորթն»-ի հերոսներից մեկը` Արշակը, այսպիսի երդում է ասում. «…Թող պարկայք կենացս թելը կտրեն, եթե երբեք չպիտի արժանանամ Սոֆիին ամուսին ըլլալու…»:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
03.04.2015
