Սիրիահայ մտավորական Գառնիկ Սարգսյանի համոզմամբ, ապրիլի 24-ին Թուրքիայի կազմակերպած Գալիպոլիի ճակատամարտի հաղթանակին նվիրված միջոցառումներին հրավիրված պետությունների ներկայացուցիչները իրենց մասնակցությամբ կվավերացնեն հայոց մեծ եղեռնը:
«Հայ ազգը կորցրեց իր պատմական հայրենիքի մեծ մասը, 1,5 միլիոն հայրենակիցներին եւ միասնական ապրելու հնարավորությունը: Թուրքիայի տոնակատարությունը կազմակերպելու որոշումը եւ այդ տոնակատարությանը մասնակցող երկրների որոշումները դիտարկում ենք ուղիղ թշնամական եւ հակամարդկային արարք, դիտավորյալ թշնամական քայլ Հայաստանի հանդեպ: Այդ միջոցառման կայանալը վավերացնում է եղեռնը: Գալիպոլիին նվիրված միջոցառումները ծածուկ կանաչ լույս է՝ ասելու, ով որ ուզում է շարունակել եղեռնը, արտոնեք , դեռ հովանավորելու ենք այդ ցեղասպանությունը: Ցեղասպանության հարցը լայն կողմերի մասնակցությամբ ծրագրված հարց է, որն ավարտված չէ: Նրանք, որոնք կմասնակցեն այդ տոնակատարությանը, նրանք հավասար հանցանք են վերցնելու իրենց վրա»,-այսօր «Հայացք» ակումբում ասաց Գառնիկ Սարգսյանը:
Աստվածաբան Վարդան Խաչատրյանի բնորոշմամբ, հայոց ցեղասպանությունը աշխարհի համար մարդկության դեմ կատարված կարեւորագույն հանցագործություններից մեկն է: Ըստ նրա, տարածաշրջանում քաղաքակրթությունը ի հայտ է գալիս, երբ առաջանում է տաբուն մարդկային կյանքի հանդեպ.« Զավեշտական է, որ օսմանյան Թուրքիայի տարածքում սկիզբ է առել մարդուն ոչնչացնելու պետական քաղաքականությունը, ուրբաթ օրյա կրոնական ծիսակատարությունների ժամանակ հայերի ոչնչացման տեւական կոչերը»:
Ըստ նրա, Գալիպոլիի հաղթանակին նվիրված միջոցառումները խնդիր ունեն ջնջել ցեղասպանության խորհուրդը. « Գալիպոլին ոչ մի կապ չունի, ապրիլի 24-ի հետ»:
Կարդացեք նաև
Գեներալ Արկադի Տեր Ղուկասյանի կարծիքով էլ, Հայաստանը երկար պայքար ունի՝ ճշմարտությունը վերհանելու համար: Ըստ նրա, կոտորածների ժամանակ հայերն իրենց հայրենիքից դուրս գալով ոչ միայն կորցրել են այն, ինչ ստեղծել էին, այլ այն ինչ ստեղծելու հնարավորություն ունեին: Նրա խոսքով, մեր իրավունքները պետք է վերականգնենք միջազգային իրավունքի նորմերով:
Արփինե ՍԻՄՈՆՅԱՆ
Գալպոլիի միջոցառմանը մասնակցելու են այն պետությունների ներկայացուցիչները,որոնք նունպես ցեղասպանություններ են իրականացրել իրենց գրաված տարածքներում՝Մեծ Բրիտանիան,Ավստրալիան,Գերմանիան,ԱՄՆ-ն….:Նրանք վախենում են ,,կորցնել,,ամենամեծ ցեղասպանություն կատարողին:Մյուս կողմից Թուրքիան իրենց այժմ առավել,քան պետք է Ռուսաստանի դեմ պայքարում….
Ամեն սարի տակ եկեղեցի կառուցելով ու անվերջ լացելով ո՞ր երկիրը ձեզ կհարգի: