Բաղրամյան պողոտայում շարունակվում է «Ոչ թալանին» նախաձեռնության ընդդեմ էլեկտրաէներգիայի սակագնի թանկացման բողոքի ակցիան : Ցուցարարները վանկարկում են «չեղարկում», «հաղթելու ենք», հնչում է երգ երաժշտություն, ցուցարարները քոչարի են պարում:
Նշենք, որ նրանց չի բավարարել նախագահականի տարածած այն հայտարարությունը, որում նշվում է աուդիտի անցկացման մասին. «Նախագահը նշել է, թե ճիշտ կլիներ, որ միջկառավարական հանձնաժողովի կողմից դիտարկվեր «ԻՆՏԵՐ ՌԱՕ ԵԷՍ» ընկերության դուստր ձեռնարկության՝ Հայաստանի բաշխիչ ցանցերի գործունեության մանրազնին աուդիտի անցկացման հնարավորությունը նրանց ամբողջ գործունեության ընթացքի համար՝ փորձագիտական հանրության և քաղաքացիական հասարակության ներկայացուցիչների մասնակցությամբ»:
ՀՅԴ խմբակցության քարտուղար Աղվան Վարդանյանը նկատեց, որ աուդիտի հարցում որևէ կոնկրետ որոշման մասին չէ խոսքը ու մանրամասնեց. «Նախապես հայտարարել ենք, որ անկախ աուդիտի անցկացումն ուղղակի անհրաժեշտ է: Նման մոնոպոլ ունեցող համակարգը չի կարող շահույթով չաշխատել»:
Պարոն Վարդանյանը կողմ է աուդիտին, եթե այն լինի արագ ու անկողմնակալ և հնարավորություն կտա հանձնաժողովին վերանայումներ անել»: Մինչդեռ ցուցարարներին չի բավարարում այս որոշումը, նրանք պահանջում են սակագնի թանկացման որոշման «չեղարկում»: Նշենք նաև, որ որոշ պատգամավորներ կարծիքներ են հայտնում, թե աուդիտի որոշումն ինքնին նշանակում է չեղարկում:
Կարդացեք նաև
Քիչ առաջ շարժ նկատվեց ոստիկանական շարքերում, այստեղ է ոստիկանապետ Վովա Գասպարյանը, նա ցուցումներ է տալիս: Ոստիկանական նոր ջոկատ մոտեցավ Սահմանադրական դատարանին: Այստեղ են ոստիկանապետի առաջին տեղակալ Հունան Պողոսյանը, ոստիկանության զորքերի հրամանատար, փոխոստիկանապետ Լևոն Երանոսյանը: Ցուցարարները սպասում են ՀՀԿ ԳՄ նիստի ավարտին ու ՀՀ նախագահ Սերժ Սարգսյանի որոշմանը:
Տաթև ՀԱՐՈՒԹՅՈՒՆՅԱՆ
