«Ես կարծում եմ, որ մենք գտնվում ենք անորոշության մեջ»,- հունիսի 27-ին «Հայք» մամուլի ակումբում լրագրողների հետ հանդիպման ընթացքում, անդրադառնալով էլեկտրաէներգիայի սակագնի թանկացմանն, ասաց տնտեսագետ Աշոտ Թավադյանը:
Ըստ նրա՝ ստեղծված իրավիճակում անհրաժեշտ է անկախ աուդիտ անցկացնել, նա համարում է, որ այդ աուդիտը կարող են համատեղ անցկացնել Ռուսաստանի հաշվիչ պալատը եւ Հայաստանի վերահսկիչ պալատը, որին մասնակցեն նաեւ ժողովրդի կողմից ներկայացված անկախ ներկայացուցիչներ: Աշոտ Թավադյանն ընդգծեց, որ աուդիտը պետք է բացարձակ թափանցիկ անցկացվի. «Դա առաջին հերթին պետք է համաձայնեցվի ժողովրդի հետ, եթե ժողովուրդը համաձայն է, որ այս մարդը նաեւ աուդիտ անի այդ կազմակերպությանը համեմատական աուդիտ, արդյունավետության աուդիտ: Կարծում եմ՝ դա դեռ չի արվել, պետք է անել»:
Աշոտ Թավադյանի կարծիքով՝ եթե աուդիտ անցկացվի, ապա պետք է էլեկտրաէներգիայի սակագնի բարձրացման որոշումը երեք ամսով կասեցնել, մինչեւ նոր որոշման կայացումը:
Ամի ՉԻՉԱԿՅԱՆ
