Նախընտրական շրջայցի շրջանակներում նախագահ Սերժ Սարգսյանը 2013թ. հունվարի 26-ին այցելեց Գոշավանք եւ այնտեղ մոմ վառեց: Նրան ներկայացվեց 12-13-րդ դարերի նշանավոր կառույցի նորոգման խնդիրը: 2013թ. հոկտեմբերի 24-ին սկսվեց Գոշավանք համալիրի մաս կազմող «Սուրբ Աստվածածին» եկեղեցու նորոգումը: Պետական բյուջեից նորոգման ֆինանսավորումը մաս-մաս է կատարվում, ինչը չի նպաստում վերանորոգման գործի հաջողությանը: «Գոշավանք եկեղեցու» աշխարհիկ գործերի կառավարիչ Արծրուն Հովսեփյանն ասաց, որ Սուրբ Աստվածածին եկեղեցու գմբեթը նորոգման նպատակով քանդած է, այն պատված է ցելոֆանով, հոգեւոր կառույցների նորոգման մեջ մասնագիտացած կազմակերպության շինարարներն այժմ գմբեթը վերականգնում են : Նրա ունեցած տեղեկություններով՝ ներկայիս ֆինանսավորումը կբավարարի գմբեթի նորոգմանը, սակայն գմբեթի՝ վատթար վիճակում գտնվող թեք պատերի եւ քանդվող գավիթի նորոգման համար գումարը չի հերիքի:
Ա. Հովսեփյանն անթույլատրելի է համարում վթարային վիճակում գտնվող Գոշավանքի «կրիայի քայլերով» նորոգելը, ասելով. «Թուլափայ ֆինանսավորմամբ Գոշավանքը հնարավոր չէ նորոգել»: Նրա վկայությամբ՝ Մխիթար Գոշի դամբարանի նորոգումը երկու ամիս առաջ կանգ է առել, դամբարանի բաց տանիքից անձրեւաջրերը ներս են լցվում, «ջուրը լցնում» կատարված աշխատանքները: Ա. Հովսեփյանի վկայությամբ՝ անցյալ տարվա հոկտեմբերին այդտեղ վերանորոգման աշխատանքներ կատարվեցին: Սակայն այդ ժամանակ Գոշ գյուղում գիշերները ջերմաստիճանը 5 աստիճան տաքությունից ցածր էր, մինչդեռ կրաշաղախի չորացման համար այդքան եւ ավելի ջերմություն է հարկավոր:
Արծրուն Հովսեփյանը ցավով է ասում, որ 2013թ. «Գոշավանք» պատմարգելանոցային թանգարանի 300 ցուցանմուշները հանվեցին թանգարանի փայտաշեն շենքից եւ տեղափոխվեցին Դիլիջան քաղաք: Դրանք գցված են մասնավոր մի կառույցի նկուղում, իսկ Գոշում թանգարանի նոր շենքի խոստացված շինարարությունն այդպես էլ չի սկսվել:
Կարդացեք նաև
Ոսկան ՍԱՐԳՍՅԱՆ
Խորհուրդ կտայի ,,Մխիթար Գոշ,, մեդալ (կամ շքանշան) ստացած մեծահարուստներին ֆինանսավորել եկեղեցու վերանորոգումը: