ԱԺ տնտեսական հարցերի հանձնաժողովի ընդունարանում տեղադրված այս «անվանական» պահարանը լուռ վկայությունն է այն փաստի, որ այս հանձնաժողովի անդամներն են ՀՀԿ խմբակցության պատգամավորներ Ալեքսան Պետրոսյանը, Մարինե Մարաբյանը, Սամվել Ալեքսանյանը եւ մի շարք այլ պատգամավորներ, որոնք չեն մասնակցում այս հանձնաժողովի նիստերին: Ավելին, այս պատգամավորները 5-րդ գումարման ԱԺ-ում որեւէ օրենսդրական նախաձեռնությամբ էլ հանդես չեն եկել: Ընդ որում, պահարանի վերնամասում Սամվել Ալեքսանյանին հատկացված դարակը միշտ այնքան լիքն է լինում տարբեր նամակներով՝ ասես նա հանձնաժողովի ամենաակտիվ պատգամավորներից է:
Մինչդեռ, ըստ «Պառլամենտ մոնիթորինգի», Սամվել Ալեքսանյանը այս նստաշրջանի 8 նիստերից կեսին արդեն ներկա չի եղել: Ինչպես վերջերս հայտնի դարձավ, պատգամավորների ամեն մի բացակայության համար աշխատավարձից պահվում է 30 հազար դրամ: Նստաշրջանը նոր է սկսվել, եւ Սամվել Ալեքսանյանը արդեն 120 հազար դրամ «տուգանվել» է:
Լուսանկարը՝ ՀՌԻՓՍԻՄԵ ՋԵԲԵՋՅԱՆԻ
«Առավոտ» օրաթերթ
10.11..2015
