Shamshyan.com. Այսօր` դեկտեմբերի 20-ին, ողբերգական ավտովթար է տեղի ունեցել Վայոց Ձորի մարզում: Ժամը 00:30-ի սահմաններում Տարածքային կառավարման և արտակարգ իրավիճակների նախարարության փրկարար ծառայության և ճանապարհային ոստիկանության օպերատիվ կառավարման կենտրոններ ահազանգ է ստացվել, որ Երևան-Մեղրի ավտոճանապարհի Ազատեկ-Վայք ավտոճանապարհի 3-րդ կմ հատվածում ավտովթար է տեղի ունեցել:
Ոստիկաններն ու քննիչները պարզել են, որ Տ. Կարապետյանը ВАЗ 2108 մակնիշի 01 ԼՕ 066 համարանիշի ավտոմեքենայով Ազատեկ գյուղից դեպի Վայք ընթանալիս դուրս է եկել ճանապարհի երթեւկելի գոտուց, բախվել ապառաժ քարին, գլխիվայր շրջվել և մոտ 100 մետր սահելով` առաջ ընթացել, ինչ հետևանքով էլ ստացած մարմնական վնասվածքներից մահացել է:
Փրկարարներն ու ոստիկանները դարձի բերեցին ավտոմեքենան և քարշակի միջոցով տեղափոխեցին ոստիկանության Վայքի բաժնի պահպանվող հատուկ տարածք: Դեպքի վայրում հավաքվածները ֆոտոլրագրողին ասում էին, որ մահացածը նոր էր ամուսնացել, նա աշխատում էր ՀՀ ՊՆ N զորամասում` որպես հետախույզ:
Հրապարակումն ամբողջությամբ՝ սկզբնաղբյուր կայքում:
