Այսօր «Հայելի» ակումբում ՀԱԿ խմբակցության պատգամավոր Հրանտ Բագրատյանը վստահեցրեց, որ Իրանի նկատմամբ պատժամիջոցները վերացնելը Հայաստանի վրա ոչ մի ազդեցություն էլ չի ունենա: Նա վստահեցրեց, որ երկիրը գնում է կործանման:
Լրագրողները հետաքրքրվեցին՝ ի՞նչ լուծում կառաջարկեք՝ Հրանտ Բագրատյանը ձեռքերը խաչեց, թե առանց փողի ոչ մի լուծում, փողը տվեք՝ լուծումներն առաջարկեմ:
Կարդացեք նաև
Երբ լրագրողները հարցրեցին, թե ասեք, ի՞նչ անենք, ի՞նչ կարելի է անել՝ Հրանտ Բագրատյանը պատասխանեց. «Ինչքան կարաք՝ երեխա ունեցեք: Երեխաները հարստություն են, ունեցվածք են»:
Մեր դիտարկմանը՝ Սամվել Ալեքսանյանը, Տարոն Մարգարյանը հետեւում են փաստորեն ձեր խորհրդին՝ Հրանտ Բագրատյանը պատասխանեց. «Էդ արդեն կլինի եսիմ ինչ, որ մեծամիտ-մեծամիտ ասեմ` ինձ լսեցին»:
Հռիփսիմե ՋԵԲԵՋՅԱՆ
