Գորիկ Հակոբյանի՝ ԱԱԾ-ի ղեկավարի պաշտոնից հեռանալուց հետո, Aravot.am-ի տեղեկություններով, երկու օր առաջ աշխատանքից ազատվելու դիմում է ներկայացել նաև Շիրակի մարզի Ազգային անվտանգության ծառայության պետ Աշոտ Կագրամանյանը:
Վերջինս երկար տարիներ զբաղեցնում էր այս պաշտոնը, նա նույնպես վաղուց գտնվում էր թոշակային տարիքում. ծնվել է 1946 թվականին:
Նշենք, որ Աշոտ Կագրամանյանի հայրը Գորիկ Հակոբյանի քեռին է:
ԱԱԾ նորանշանակ ղեկավար Գեորգի Կուտոյանն արդեն իսկ ստորագրել է Աշոտ Կագրամանյանի դիմումը, վերջինիս այս պահին փոխարինում է նրա տեղակալը: Շիրակի մարզի Ազգային անվտանգության ծառայության պետի պաշտոնը դեռ թափուր է:
Նունե ԱՐԵՎՇԱՏՅԱՆ
