«Այսօր ելույթներ չեն լինելու»,- Մարտի 1-ին Ազատության հրապարակում հայտարարեց ՀԱԿ անդամ Արամ Մանուկյանը:
Նա նշեց, որ հավաք-երթը կազմակերպել է երեք քաղաքական ուժ՝ Հայ ազգային կոնգրեսը, ՀԺԿ-ն եւ «Նոր Հայաստանը»: Իսկ այն հանգամանքը, որ հանրահավաք չի լինելու համաձայնեցված է 2008 թվականի մարտի 1-ին սպանվածների ծնողների հետ:
Արամ Մանուկյանը նկատեց, որ մինչեւ այսօր կատարվածի համար ոչ ոք պատասխանատվության չի ենթարկվել, նաեւ տուժող չեն ճանաչվել բազմաթիվ մարդիկ:
Կարդացեք նաև
Անդրադառնալով այն հանգամանքին, որ ՀԱԿ-ը առաջարկել էր Մարտի 1-ը նշել որպես 2008 թվականի մարտի 1-ի զոհերի հիշատակի եւ պետական ահաբեկչության եւ բռնաճնշումների դեմ համազգային բողոքի օր. «Անգամ որ խորհրդարանը չընդունի ժողովրդի պայքարն ավելի բարձր է, եւ ժողովուրդն է որոշում: Եվ մենք ամեն տարի պետք է հավաքվենք այստեղ, որ մեր ժողովուրդը բռնաճնշումներ չունենա, եւ որ նման դեպքեր տեղի չունենան, մենք ամեն տարի պարտավոր ենք հավաքվել: Միայն հավաքվելով, միայն նշելով, միայն միջազգային կառույցների հետ համագործակցելով, միայն իշխանությունների ճնշման միջոցով կարող ենք հասնել արդարության»:
Ամի ՉԻՉԱԿՅԱՆ
