2006-2007թթ. պետբյուջեի 868 միլիոն դրամ ֆինանսավորմամբ կառուցվել է հայ-ադրբեջանական սահմանը շրջանցող Բաղանիս-Ոսկեպար 6.3 կմ երկարությամբ ճանապարհը: Այն ձգվում է Հարսնաքարով, լեռնային տեղանքով: Այդ ճանապարհը Բաղանիսի տարածքում սողանքից քանդվում է:
Սողանքի գոտու ներքեւում պաշտպանիչ գաբիոններ են կառուցվել, սողանքի վերեւի հատվածում մեծ քարաբեկորներ են տեղադրվել,որպեսզի ավտոմեքենաները չընկնեն փլվածքի մեջ: Հոսող հողի ճնշման տակ գաբիոնները որոշակի չափով տեղաշարժվել են դեպի ճանապարհ:
Չնայած միջպետական ուղու Ոսկեպար-Բաղանիս հիմնական, սահմանի երկայնքով ձգվող ճանապարհը բաց է, սակայն վարորդների մի մասը զգուշանալով ադրբեջանական գնդակոծությունից՝ գերադասում է երթևեկել շրջանցիկ ճանապարհով: Բաղանիս գյուղից տեղեկացանք,որ վերջերս երկրաբանները նշված սողանքի գոտում ուսումնասիրություններ են կատարել: Սպասվում է, որ այս տարի պետական բյուջեի միջոցներով ռազմավարական նշանակության այդ ճանապարհը կամրացվի:
Ոսկան ՍԱՐԳՍՅԱՆ
