Հունվարին արձանագրված բարձր՝ 5,5 տոկոս աճից հետո տնտեսական ակտիվության ցուցանիշը Հայաստանում նահանջել է։ Համաձայն վիճակագրական ծառայության երեկ հրապարակած օպերատիվ տվյալների, տարեսկզբի երկու ամիսներին այն եղել է 4,7 տոկոս։
Դրանով հանդերձ, տնտեսական ակտիվությունն անհամեմատ բարձր է, քան նախորդ տարվա նույն ժամանակահատվածում էր. 2015թ. հունվար-փետրվարին Հայաստանում ակտիվությունը 2,5 տոկոս էր։
Համաձայն վիճակագրական ծառայության տվյալների, տնտեսական ակտիվությունը շարունակում է բարձր մնալ արդյունաբերության ոլորտում. տարեսկզբի երկու ամիսներին եղել է 9,9 տոկոս։
Իհարկե, այդ հարցում մեծ է հատկապես հունվարին գրանցված աննախադեպ աճը, ինչը հասավ գրեթե 16 տոկոսի։ Փետրվարին եւս նախորդ տարվա նույն ժամանակահատվածի համեմատ տնտեսության այս ճյուղում դրական արդյունք է գրանցվել։ Սակայն ցուցանիշները հունվարի համեմատ համեստ են։ Անցած ամիս արդյունաբերության ոլորտում տնտեսական ակտիվությունը նախորդ տարվանից բարձր է եղել 4,8 տոկոսով։ Հիշեցնենք, որ 2015թ. առաջին երկու ամիսներին արդյունաբերությունը ոչ միայն աճ չարձանագրեց, այլեւ գրանցվեց 1,8 տոկոսանոց անկում։
Կարդացեք նաև
Ն. ՍԱՐԳՍՅԱՆ
Հոդվածն ամբողջությամբ՝ «Հայոց աշխարհ» թերթի այսօրվա համարում
