Ինչպես ավելի վաղ հայտնել էինք, Վերաքննիչ դատարանն այսօր մերժեց զոհված զինծառայողներ Արթուր Ղազարյանի եւ Վալերի Մուրադյանի մայրերի՝ Իրինա Ղազարյանի ու Նանա Մուրադյանի բողոքն ընդդեմ ոստիկանների:
«Բողոքում էինք Ընդհանուր իրավասության դատարանի որոշման դեմ` գտնելով, որ դատարանը խախտել է հավաքների ազատության եւ խոշտանգումներից զերծ մնալու իրավունքների կիրառման ստանդարտները, որոնք ամրագրված են մեր` պետական օրենսդրությամբ եւ միջազգային չափանիշներով, քանի որ դատարանը հիմնվել է բացառապես նախաքննության մարմնի ներկայացրած փաստերի վրա` անտեսելով մեր կողմից ներկայացրած փաստերն ու ապացույցները»,-Aravot.am-ի հետ զրույցում ասաց Նանա Մուրադյանի եւ Իրինա Ղազարյանի փաստաբանը` Հայկուհի Հարությունյանը:
Նրա փոխանցմամբ` դատարանը գտել է, որ ոստիկաններն իրավաչափ են գործել` կանանց հեռացնելով նախագահական նստավայրի դիմացից:
Փաստաբանը նաեւ տեղեկացրեց, որ առաջիկայում դիմելու են Վճռաբեկ դատարան:
Կարդացեք նաև
Լուիզա ՍՈՒՔԻԱՍՅԱՆ
