Հայաստանի բռնցքամարտիկները օրերս Թուրքիայում կայացած վարկանիշային մրցաշարից տուն վերադարձան օլիմպիական չորս ուղեգրով: Սակայն գլխավոր մարզիչ Կարեն Աղամալյանը շատ է ցավում, որ մեր լավագույն բռնցքամարտիկներից 64 կգ քաշային Հովհաննես Բաչկովին չհաջողվեց վարկանիշ ձեռք բերել:
Մարզիչը վերադառնալուց հետո «Առավոտին» տված հարցազրույցում ցանկություն էր հայտնել, որպեսզի Բաչկովի համար Ռիո մեկնելու մի տարբերակ գտնվի, թեկուզ՝ սպիտակ քարտով:
Այս խնդրի շուրջ Aravot.am-ը զրուցեց ՀԱՕԿ-ի գլխավոր քարտուղար Հրաչյա Ռոստոմյանի հետ:
«Հովհաննես Բաչկովի համար Ռիոյի իրավունք ձեռք բերելու միակ տարբերակը Բաքվում կայանալիք վարկանիշային մրցաշարին մասնակցելն է: Ես 100 տոկոսով վստահ եմ, որ նա եթե մեկնի Բաքու, ուղեգիր հաստատ կնվաճի: Այնքան եմ համոզված, որ կարող եմ գրել եւ ստորագրել: Իսկ կմեկնի, թե ոչ, այն էլ՝ Ադրբեջանի հետ այսօրվա լարված պայմաններում, հիմա ոչինչ ասել չեմ կարող: Մոտ օրերս ՀԱՕԿ-ի գործկոմի նիստ ունենք, որտեղ, կարծում եմ, նրա գնալ-չգնալու հարցն էլ կշոշափվի», – պատասխանեց Հրաչյա Ռոստոմյանը:
Կարդացեք նաև
Աշոտ ՀԱԿՈԲՅԱՆ
Լուսանկարը՝ armnoc.am-ի
