Կառավարության այսօրվա նիստից հետո լրագրողների հետ ճեպազրույցում Նիկոլ Փաշինյանն անդրադարձավ հարցին, որ Բաքվում պահվող հայ գերիներին հասցեագրված 1254 նամակներ են փոխանցվել կառավարությանը։ Քաղաքացիները խնդրել էին, որ Փաշինյանը միջնորդի, եւ նամակները հասնեն հասցեատերերին։
Հարցին, թե այդ նամակները կփոխանցվե՞ն հայ գերիներին, Փաշինյանը պատասխանեց․ «Ես ճիշտն ասած չգիտեմ, թե ինչ որոշում է կայացվել, բայց տարօրինակ է՝ եթե նամակ կա, ինչո՞ւ փոստով չեն ուղարկում։ Այդտեղ նրբություններ կան, այսինքն՝ 1000 նամակ տալ կառավարությանը, ասել՝ նամակները տարեք, ինչքանո՞վ է տրամաբանական»։
Մանրամասները՝ տեսանյութում
Կարդացեք նաև
Նիկոլ Փաշինյանը հավելեց․ «Երբեմն տպավորություն է, որ այդ գործողություններն արվում են ոչ թե խնդրի լուծման համար, այլ ինչ-որ բան սադրելու համար։ Եվ, ցավոք սրտի, մի քանի դրվագով մենք դրանում համոզվել ենք։ Դրա համար այդ հարցերին մեր զգուշությունն ավելի է մեծանում, որովհետեւ արդյունքում մենք կարող է այդ մարդկանց այնտեղ վնաս տանք»։
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
