Փաստաբանների պալատի անդամ Ինեսա Վարդանյանը ապրիլի 30-ին «Դիալոգ» մամուլի ակումբում լրագրողներին ներկայացրեց երկու կամավորների գործը, որոնք կամավորագրվել էին Արցախի պաշտպանության ջոկատին, բայց գործատուն հեռացրել էր նրանց աշխատանքից:
Նա նախ նշեց, որ բացի այս գործից, առնվազն 9 նման դեպք գիտի, երբ գործատուն հեռացրել է իր կամավորագրված աշխատողներին: Սակայն, Ինեսա Վարդանյանը ասաց, որ քանի որ իր պաշտպանյալների դեպքը հանրային հնչեղություն է ստացել, կարծում է՝ խնդիրը մոտակա ժամանակներում կկարգավորվի եւ վերջիններս կկարողանան վերադառնալ իրենց աշխատանքին:
«Նման իրավիճակում տղաներից մեկը գիշերվա ժամին դուրս էր եկել եւ ընկերների հետ մեկնել էր Արցախ: Զանգահարել էր ընկերության հաշվապահին եւ բանավոր կերպով տեղյակ էր պահել: Բնական է, ընկերության տնօրենին չէր կարողանա զանգահարել, գործատուն իրեն ազատել է այն հիմքով, որ աշխատանքի չի ներկայացել: Երբ որ բանակցություններ էին ընթանում գործատուի հետ, ասում էր, որ աշխատանքի չի ներկայացել, դա ինձ համար հիմք է աշխատանքային պայմանագրի լուծման համար: Փորձեցի բացատրել, որ Աշխատանքային օրենսգիրքը չի նախատեսում աշխատանքի չգնալու դեպքում, այլ անհարգալից չգնալու դեպքում, իսկ օրենսդիրը անհարգալից բառը ինքնանպատակ չի դրել: Պետք է գնահատման առարկա դարձվի, թե ինչու չի ներկայացել»,- ասաց նա:
Ամի ՉԻՉԱԿՅԱՆ
Կարդացեք նաև
