Բրիտանական աշխարհահռչակ «Լեդ Զեփելին» ռոք խմբի անդամներ Ջիմմի Փեյջն ու Ռոբերտ Փլանթը ստիպված կլինեն դատարանում պաշտպանել իրենց ամենահեղինակավոր «Աստիճան դեպի դրախտ» (Stairway to Heaven) երգի հեղինակային իրավունքները։ Այս մասին տեղեկացնում է Bussiness Insider-ը։
https://www.youtube.com/watch?v=9Q7Vr3yQYWQ
Ջիմմի Փեյջի և Ռոբերտ Փլանթի դեմ Լոս Անջելեսի դատարան հայց է ներկայացրել Spirit ամերիկյան ռոք խմբի կիթառահար Ռենդի Վուլֆը։ Լրատվամիջոցի փոխանցմամբ՝ դեպքը առաջինը չէ, երբ բրիտանական աշխարհահռչակ այդ խումբը մեղադրվում է հեղինակային իրավունքների խախտման համար։
Տեղեկացնենք, որ Stairway to Heaven երգը, «Լեդ Զեփելին» խմբի պնդմամբ, հեղինակել են խմբի անդամներ Ջիմմի Փեյջն ու Ռոբերտ Փլանթը։ Երգը շատ կարճ ժամանակում մեծ ճանաչում է ձեռք բերել։
Կարդացեք նաև
1970-ականներին «Աստիճան դեպի դրախտ» երգն ԱՄՆ-ի ռադիոհաճախականություններով ամենահաճախ հեռարձակվողն էր։ Stairway to Heaven երգի որոշ հատվածներ հիշեցնում են Spirit խմբի Taurus գործը։
