Հայ-թուրքական սահմանի Իգդիրի Թուզլուջա շրջանի հայատառ ցուցանակները, որոնք տեղադրվել էին շրջանի տեղական ինքնակառավարման մարմինների կողմից, հանվել են այդ վայրերում բնակվող ադրբեջանցիների պահանջով։ Այս մասին տեղեկացնում է թուրքական «Հաբերլեր» լրատվական գործակալությունը։
Թուզլուջա շրջանի մուտքի կամարին 4 լեզվով գրված թուրքերեն, քրդերեն և անգլերեն նույնաբովանդակ արտահայտությունների կողքին գրված էին նաև «Բարի եկաք» և «Ցտեսություն» արտահայտությունները։ Այս փաստը դուր չէր գալիս Թուրքիայի այդ շրջաններում ապրող ադրբեջանցիներին, որոնց արտահայտած տևական բողոքներից հետո՝ տեղական իշխանությունները վերջիվերջո տեղի տվեցին և որոշեցին հանել մեսրոպատառ գրությունները։
