ԱԺ ՀՀԿ խմբակցության պատգամավոր Հայկ Բաբուխանյանի համոզմամբ, ԼՂ հիմնահարցի կարգավորման շուրջ լուրջ գործընթաց է գնում՝ հաշվի առնելով՝ աշխարհի գերտերությունները նախագահների մակարդակով կարգավորման շուրջ քննարկումներ են սկսել:
«Մենք շահագրգռված ենք խաղաղ կարգավորմամբ, բայց պետք է շահագրգռված լինենք խնդրի վերջնական լուծմամբ: Դրա համար պետք է ճիշտ դրսևորենք մեր պահանջները և պահն օգտագործենք մեր անվտանգությունն ու ինքնորոշման իրավունքն իրացնելու համար: Ամեն դեպքում, Հայաստանը չի կարող մեկուսանալ բանակցային գործընթացներից»,- այսօր «Հայելի» ակումբում ասաց պատգամավորը:
Նա չցանկացավ գնահատական տալ Սամվել Բաբայանի վերադարձի նպատակների առումով, ասաց՝ ասելիք չունի. «Սամվել Բաբայանը մեծ վաստակ ունի և տարբեր երևույթների շուրջ սեփական կարծիք ունենալու իրավունք»:
Իսկ Լարսի ճանապարհի փակվելու հետևանքով առաջացած իրավիճակին անդրադառնալով՝ պարոն Բաբուխանյանն ասաց, որ ամենամտահոգիչը Վրաստանի պահվածքն էր. «Շատ ցավալի է, որ գոնե, կանանց և երեխաների համար չբացեց այլընտրանքային՝ Հարավային Օսեթիայի ճանապարհը, որ ճանապարհին մնացած մարդիկ կարողանային հասնել Հայաստան»:
Կարդացեք նաև
Արփինե ՍԻՄՈՆՅԱՆ