Որակավորման 1-ին փուլից Եվրոպա լիգային հրաժեշտ տալուց հետո Երեւանի «Փյունիկի» գլխավոր մարզիչ Սարգիս Հովսեփյանը հայտարարեց հրաժարականի դիմում ներկայացնելու որոշման մասին:
«Իմ առջեւ առաջադրանք էր դրված եւ այդ առաջադրանքը ես չկատարեցի: Հետեւաբար, պետք է, անպայման, հրաժարական տամ: Պետք է նոր մարդ գա, որը կկարողանա ավելի լավ ղեկավարել թիմը: «Փյունիկը» ինձ հարազատ թիմ է եւ նրան հաջողություն եւ ամենայն բարիք եմ մաղթում», – հայտարարել է Սարգիս Հովսեփյանը:
«Փյունիկը» Եվրոպա լիգայի որակավորման 1-ին փուլի պատասխան խաղում թեեւ սեփական հարկի տակ հաղթեց Ջիբրալթարի «Եվրոպային»՝ 2-1, սակայն առաջին հանդիպումում պարտվել էր 0-2 հաշվով:
Աշոտ ՀԱԿՈԲՅԱՆ
Կարդացեք նաև
Լուսանկարը՝ FCPyunik.am-ի
