Ռուսաստանի Դաշնության նախագահ Վլադիմիր Պուտինի վստահված անձ, ՌԴ Հանրային պալատի անդամ Սերգեյ Մարկովը հայտարարել է, որ Լեռնային Ղարաբաղի հակամարտության բանակցային գործընթացի աշխուժացումը առաջիկայում հանգեցնելու է լուրջ բեկման։ Այս մասին տեղեկացնում է Trend լրատվական գործակալությունը։
Մարկովն ասել է, որ բանակցությունների արդյունքը կարող է դառնալ այն, որ Ադրբեջանին կվերադարձվեն Լեռնային Ղարաբաղին հարակից շրջանները, որի դիմաց կվերացվի Հայաստանի հանդեպ գործող միջազգային շրջափակումը։
Մարկովի խոսքերով՝ բանակցային գործընթացի աշխուժացումը վկայում է, որ տեղի են ունենում իրական, լուրջ բանակցություններ. «Կողմերը շուտով համաձայնագիր կստորագրեն, քննարկվում են միայն հաշտեցման մանրամասները»։
