ՀՀ Վերաքննիչ դատարանն այսօր առավոտյան մերժեց «Սասնա ծռեր» խմբի անդամ, 29–ամյա Հովհաննես Հարությունյանի կալանքի որոշման դեմ փաստաբան Հայարփի Սարգսյանի բողոքը:
Թեեւ Հայարփի Սարգսյանը երեկ Aravot.am-ի հետ զրույցում ասաց, որ դատաքննությանը ներկա Հովհաննեսն իր ծանր առողջական վիճակով հուզել էր դատավարական բոլոր կողմերին ու դատավարության ընթացքից ինքը լիահույս է, որ դատարանը կբավարարի իր բողոքը , այսօր մեզ հետ զրւյցում հայտնեց իր հիասթափությունը:
«Դատարանն ընդունեց շատ անմարդկային որոշում՝ մերժելով մեր բողոքը: Այն ամենն, ինչ պատկերացնում էինք երեկ, չիրականացավ, մեր հույսերն էլ չարդարացան»,- ասաց փաստաբանը:
Նա դատարանի որոշումը համարեց քաղաքական պատվեր ու ասաց, որ պատրաստվում է դիմել մարդու իրավունքների եվրոպական դատարան, իսկ ՀՀ Վճռաբեկ ատյանին էլ կհայտնի անվստահություն:
Կարդացեք նաև
Արփինե ՍԻՄՈՆՅԱՆ
Ազատություն Քաղբանտարկյալ Դատարաններին!!!