«Սրա տակ, ես որեւէ քաղաքական հեռանկար չեմ տեսնում. դա անհնար է»,- օգոստոսի 15-ին «Հայացք» մամուլի ակումբում լրագրողների հետ հանդիպման ընթացքում, անդրադառնալով ՌԴ նախագահ Վլադիմիր Պուտինի հայտարարությանը, թե Ղարաբաղյան հիմնահարցը պետք է լուծվի փոխզիջումային տարբերակով՝ հաղթողներ կամ պարտվողներ չպետք է լինեն, ասաց արտակարգ եւ լիազոր դեսպան Արման Նավասարդյանը:
Նա համարում է, որ Ադրբեջանը այնպիսի դիրքորոշում ունի, որ նման կոչերով բանակցության գնալն անհնար է. «Հնարավոր չէ այսօրվա ժամանակի եւ տարածության մեջ որեւէ հարց լուծել Ադրբեջանի հետ՝ առանց հասկանալու եւ աշխարհին հասկացնելու, որ այստեղ բանակցությունները, ինձ համար՝ որպես դիվանագետ, երեւի անհարմար է նման բան ասելը, չեն գործում, որովհետեւ Ադրբեջանն ասում է՝ միայն ու միայն պետք է լինի իմ կազմում, իսկ մենք դա չենք ընդունում»:
Անդրադառնալով հիմնախնդրի լուծմանը՝ Արման Նավասարդյանն ասաց. «Մենք պետք է հասնենք այնպիսի մի իրավիճակի, այնպիսի ներպետական եւ արտաքին քաղաքականության, այնպիսի կուռ միասնության, ես կասեի՝ առաջին հերթին՝ ռազմական: Ասում են՝ թնդանոթները լռում են, խոսում է դիվանագիտությունը, կամ հակառակը: Այստեղ կարծես թե հակառակն է ստացվում: Այնպես որ, մենք ամեն րոպե պետք է պատրաստ լինենք, եւ հասկանանք, որ մեզ ոչ ոք, մեծ հաշվով, չի օգնի, եթե մենք ինքներս չլուծենք մեր խնդիրը»:
Կարդացեք նաև
Ամի ՉԻՉԱԿՅԱՆ
