Երեկ տեղի ունեցած ՏԻՄ ընտրությունների արդյունքում Արագածոտնի մարզի Ծաղկահովիտ համայնքի ղեկավար ընտրված Նորաին Հակոբյանի նկատմամբ, պարզվում է, 2014 թ. ՀՀ քրեական օրենսգրքի 179-րդ հոդվածի երրորդ մասի առաջին կետի հատկանիշներով մեղադրանք է առաջադրվել՝ խոշոր չափերի գույք յուրացնելու համար: Հիշեցնենք, այստեղ համայնքի ղեկավար էր առաջադրվել նաև «Սասնա ծռեր»-ի անդամ Արայիկ Խանդոյանը և ՀՀԿ-ական Երվանդ Խաչատրյանը։
Դատական տեղեկատվական համակարգից տեղեկանում ենք, որ Նորաին Հակոբյանը, 2002-2012 թվականներին զբաղեցնելով Արագածոտնի մարզի Ծաղկահովիտ համայնքի ղեկավարի պաշտոնը, իր պաշտոնեական դիրքն օգտագործելով, շարունակաբար վատնել է իրեն վստահված Ծաղկահովիտ համայնքի հաշվեկշռում հաշվառված և համայնքին պատկանող ընդհանուր 4 միլիոն 249 հազար 102 ՀՀ դրամ արժողությամբ առանձնապես խոշոր չափերի գույքը: Մեղադրյալը յուրացրել է նաև համայնքի հաշվեկշռում հաշվառված խողովակները` համայնքին պատճառելով 4 միլիոն 661 հազար 480 ՀՀ դրամ առանձնապես խոշոր չափերի գույքային վնաս:
Նյութի մանրամասները կարդացեք սկզբնաղբյուր կայքում
