Բեսլանի մոտ Մոսկվայից Երևան երթուղի իրականացնող վթարված ավտոբուսի վարորդը կորցրել է ղեկի կառավարումը և բախվել բեռնատարին: Այս մասին ՏԱՍՍ գործակալությանը հայտնել է Հյուսիսային Օսիայի ՆԳՆ մամուլի ծառայության ներկայացուցիչը:
«Նախնական տեղեկություններով՝ ավտոբուսի վարորդը կորցրել է կառավարումը և հարվածել կայանած ավտոգնացքին»,- ասել է գործակալության զրուցակիցը:
Իրավապահ մարմիններում ՏԱՍՍ-ի աղբյուրն էլ հայտնել է, որ, ամենայն հավանականությամբ, վարորդը քնել է ղեկին:
Հիշեցնենք, այս գիշեր Հյուսիսային Օսիայի Բեսլան քաղաքի մոտակայքում վրաերթի է ենթարկվել Մոսկվա-Երևան երթուղի իրականացնող ավտոբուսը: Վթարի հետևանքով զոհվել է 5, վիրավորվել 27 մարդ, այդ թվում երեխաներ: Վիրավորներից 3-ի վիճակը բժիշկները գնահատում են ծանր:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
