Ինչպես արդեն տեղեկացրել էինք, Սեւանի արդեն նախկին քաղաքապետ Ռուդիկ Ղուկասյանը դիմել էր Վարչական դատարան՝ հոկտեմբեր 2-ին տեղի ունեցած քաղաքապետի ընտրությունների արդյունքները բողոքարկելու վերաբերյալ:
Նա հայցն ներկայացրել էր ընդդեմ թիվ 23 ընտրատարածքային հանձնաժողովի, իսկ գործով երրորդ անձ էր ճանաչվել Սեւանի նորընտիր քաղաքապետ Սարգիս Մուրադյանը: Ռուդիկ Ղուկասյանը պահանջում էր անվավեր ճանաչել հանձնաժողովի 155Ա, 162Ա, 163Ա որոշումները եւ Գեղարքունիքի մարզի Սեւան համայնքի 2016 թվականի հոկտեմբերի 2-ի ընտրությունների արդյունքները:
Սակայն, հոկտեմբերի 17-ին Վարչական դատարանը մերժեց Ղուկասյանի հայցը: Որոշումը ուժի մեջ է մտնում հրապարակման պահից, վերջնական է եւ ենթակա չէ վերանայման:
Հիշեցնենք՝ նախկին քաղաքապետը պնդում էր , որ ընտրություններն անցել են բազմաթիվ խախտումներով, այդ թվում՝ քաղաքապետի պաշտոնում ընտրված Սարգիս Մուրադյանի թիմի կողմից կաշառքի բաժանմամբ:
Կարդացեք նաև
Ամի ՉԻՉԱԿՅԱՆ
