«Հայաստանը ԵՏՄ-ում չի կարող լինել ֆինանսական եւ արդյունաբերական կենտրոն, փոխարենը կարող է լինել ինովացիոն-տեղեկատվական տեխնոլոգիաների հանգույց»,-կարծում է «Ձեռնարկությունների ինկուբատոր հիմնադրամի» տնօրեն Բագրատ Ենգիբարյանը:
Այսօր «Նովոստի Արմենիա» մամուլի կենտրոնում նա նշեց, որ Ռուսաստանից հետո ՏՏ ոլորտում համաշխարհային ճանաչում ունեցող երկրորդ երկիրը Հայաստանն է. «Հայաստանը գլոբալ մրցակից է նորարարությունների կենտրոնացման եւ տարածման առումով»:
Բագրատ Ենգիբարյանը նաեւ ընդգծեց՝ ժամանակն է, որ Հայաստանը փորձի դառնալ մեքենաշինական ոլորտում եղանակ ստեղծող երկիր:
Կարդացեք նաև
Բանախոսը նաեւ հայտնեց, որ վերջերս ՀՀ վարչապետի հետ հանդիպմանը «թռուցիկ կերպով» քննարկել են հարկային դաշտը մեղմելու հարցը: Առաջիկայում եւս հանդիպումներ կունենան վարչապետի հետ եւ հարցի մասին կրկին կբարձրաձայնեն:
Լուիզա ՍՈՒՔԻԱՍՅԱՆ
