Հայաստանի մարզական լրագրողների ֆեդերացիայի (ՀՄԼՖ) անցկացրած ամենամյա ավանդական հարցման արդյունքներով որոշվեց 2016 թվականի Հայաստանի լավագույն մարզիկների տասնյակը:
Հարցաթերթիկ լրացրել է մարզական թեմաներով գրող 35 լրագրող: Քվեարկության արդյունքների ամփոփումով մրցաշրջան 2016-ի Հայաստանի լավագույն մարզիկ ճանաչվել է Ռիո դե Ժանեյրոյի 31-րդ ամառային օլիմպիական խաղերի չեմպիոն, հունահռոմեական ոճի ըմբիշ Արթուր Ալեքսանյանը: 10 լավագույն մարզիկների ցուցակն այսպիսին է:
1. Արթուր Ալեքսանյան, հ/հ ըմբշամարտ (գլխավոր լուսանկարում)
2. Միհրան Հարությունյան, հ/հ ըմբշամարտ
Կարդացեք նաև
3. Սիմոն Մարտիրոսյան, ծանրամարտ
4. Գոռ Մինասյան, ծանրամարտ
5. Նազիկ Ավդալյան, ծանրամարտ
6. Հարություն Մերդինյան, սպորտային մարմնամարզություն
7. Անդրանիկ Կարապետյան, ծանրամարտ
8. Հռիփսիմե Խուրշուդյան, ծանրամարտ
9. Վարշամ Բորանյան, հ/հ ըմբշամարտ
10. Արթուր Դավթյան, սպորտային մարմնամարզություն:
Տարեցտարի Հայաստանի մարզիկների նվաճումները համաշխարհային պաշտոնական մրցասպարեզներում որակապես բարելավվում են: Հետեւաբար, լավագույն 10-յակում ընդգրկվելն էլ տարեցտարի ավելի դժվար է դառնում: Ու պատահական չէ, որ այս անգամ տասնյակում հայտնվածների «ամենահամեստ արդյունքը» Եվրոպայի առաջնության արծաթե մեդալն է:
Աշոտ ՀԱԿՈԲՅԱՆ
