Հունվարի 1-ի գիշերը միջերկրական ծովից ՀՀ-ին թույլ արտահայտված ցիկլոն է մոտենալու, որն ազդեցությունը պահպանելու է նաեւ հունվարի 2-ին: Այս մասին այսօր «Արմենպրեսում» լրագրողների հետ հանդիպմանն ասաց ՀՀ ԱԻՆ «Հիդրոմետ» ծառայության օդերեւութաբանության կենտրոնի պետի տեղակալ Գագիկ Սուրենյանը:
«Հունվարի 1-ին և 2-ին հանրապետության տարածքում կամպի: Շիրակում, Կոտայքում, Արագածոտնիում, Երևանում Արարատում, Արմավիրում, Վայոց ձորում սպասվում է թույլ ձյուն»,-ասաց Գագիկ Սուրենյանը:
«Թուրքիայում պարալիզացված շրջաններ կան, ձյան ծածկը հասնում է 2-3 մետրի, բայց այդ ցիկլոնը բեռնաթափվում է հենց Թուրքիայի վրա, իսկ մեզ վրա շատ թույլ տեսքով է ազդելու»,-հավելեց նա:
Առաջիկա կանխատեսումների մասին էլ Գագիկ Սուրենյանն ասաց, որ հունվարը դեկտեմբերի համեմատ ավելի տաք է լինելու. «Դա չի նշանակում, որ գարնանային եղանակներ են սպասվում: Վայրիվերումները շատ մեծ են լինելու՝ ցուրտ ներխուժումներ, արևադարձային տաք հոսանքներ: Հունվարը տեղումնառատ է լինելու»:
Կարդացեք նաև
Լուիզա ՍՈՒՔԻԱՍՅԱՆ
